香港新浪網 MySinaBlog
« 上一篇 | 下一篇 »

Picture
過去的數個月... 靖天長大了....

媽咪沒用.... 已經有半年沒有給靖天做"每周新招"的小紀錄! emotion

因為懶, 因為忙, 因為千萬個理由..... emotion

看見靖天在過去半年的轉變....

媽咪實在需要好好記錄一下!!!

.

《如廁》

尿片已經戒掉了半年有多.....

上年給她買了一個"小樓梯", 讓她可以自行爬到馬桶上去廁所...

因為.... 那個樓梯廁板又開又收, 十分麻煩...

晚上, 我們要將那樓梯廁板放好, 讓她半夜有機會自行走到廁所如廁....

.

上兩個月開始, 媽咪要求靖天自行爬上馬桶....

初時靖天都十分抗拒, 因為她根本就不夠力, 手腳又不夠長...

試過有一回, 放她上去, 甩手了, 整個人"掉"了進馬桶.... emotionemotionemotion

Picture

日子久了..... 靖天終於可以自行的爬上馬桶, 自己如廁.....

終於...

在她3歲多的這段時間, 她可以完全做到了"上廁所"的環節, 而不再需要我們任何協助和幫忙....

那張幾十元的樓梯廁所板... 該留下來給巧巧? 抑或掉了它好?! emotionemotionemotion

Picture

. 

《睡覺》

在上年中搬到新家, 靖天成功的試過好幾晚睡自己的床....

然後, 大著肚子的媽咪, 在沒有爸B陪伴入睡的晚上, 寂寞實在難奈...

故就將靖天捉到我們的床上, 陪伴媽咪入睡....

再加上她濕疹一向嚴重, 每天晚上都"R"不停, 媽咪實在不放心讓她獨個身睡!

Picture

巧巧出世了, 見到妹妹的床可以放到爸B媽咪床尾, 她怎可能接受自己睡在另一個房間?!

爸B已經投訴了很多次 (因為過去數月靖天已經對爸B拳打腳踢很多次, 傷到眼睛, 傷到重要部位, 傷到手腳), 但媽咪還是無動於衷... emotion

直至近兩星期, 媽咪一次又一次的被靖天踢醒! emotion

已經嚴重不夠睡.... 才剛睡好, 轉頭又給靖天一個天殘腳弄醒...

而且有幾回還弄到媽咪的尾龍骨, 痛楚難當!

最後, 媽咪氣極之下, 決心將靖天送回她自己的房間! emotion

再者, 靖天的濕疹都痊癒了很多, 晚上不會哭著""R"損自己, 媽咪都覺得, 是時候可以讓她自己睡了!

Picture

這天晚上, 快到上床時間....

媽咪淡然的跟靖天說: 『靖天今晚訓IQ博士房!』

靖天驚訝了: 『點解呀?????!!!!!』

然後, 媽咪試著解釋: 『因為靖天大個女喇, 要學下自己訓喇... 間房咁靚, 你又唔o係度訓, 咁咪好浪費囉?! 如果你唔o係度訓, 佢會唔開心架, 可能第2日你就無左間房架喇!』

一輪九唔搭八的解說, 終於將靖天送到上床!

第一晚, 媽咪只是抱著『試試看』的心態..... 誰不知, 弄了近1.5小時, 成功了!

最可愛是, 中段時間, 媽咪偷看靖天, 她竟然說: 『我訓左自己張床幾個鐘喇, 可唔可以返媽咪張床到訓呀?』

首先, 是"個幾鐘", 不是"幾個鐘".... emotionemotionemotion

第二, 睡多久, 都不可走回媽咪床上! emotionemotionemotion

Picture

第1晚成功, 造就了第2, 3, 4晚的成功...

靖天上到床, 不是立即可睡的....

但她不會胡鬧, 不會要求東要求西.....

試過有一晚, 她說想看故事書, 我們都讓她看, 一會後, 她走回自己床上, 安靜入睡!

這次.... 應該是最後的一次幫她"獨個兒睡"了!

其實.... 媽咪並不捨得讓女兒獨自睡....

但無可否認, 分開睡的這幾晚, 爸B和媽咪的睡眠質數好了, 靖天也有意識的"早睡早起"....

看來, 這是一個三贏的局面?! emotionemotionemotion

. 

《飲食》

踏入3歲的新階段, 靖天吃得多了, 吃得好了!

她終於學會說『我肚餓』!!!

過去3年, 媽咪真的以為, 女兒並不明白知道, 什麼叫肚餓~! emotion

直至有一天, 她跟我說她『肚餓』, 半信半疑的弄東西給她吃, 她竟然乖乖吃光....

雖然學會了肚餓, 但可以肯定, 靖天並不好吃....

只是她都需要滿足我們, 滿足老師, 滿足自己的生理需要吧.....

在學校, 她會吃得好一點.... 也許是因為有老師有同學相伴;

. 

3歲4個月的一天, 她忽然介奶了!

因為有一天早上, 爸B沒有給她早奶....

第2天開始, 她就沒有再要奶了! emotion

媽咪還一直頭痛, 靖天的"奶樽"如何替她介..... 想不到, 她竟然自己忽然戒掉.... emotion

不過連奶也介掉, 就令媽咪有點頭痛.....

才3歲多, 老是認為, 多喝口奶對身體更好麻!

. 

.

《其他學習》

學校的學習都是這樣子...

在家的學習就停滯不前了! 媽咪已經沒有多餘的心思教她... emotion

然而, 我們都發現, 靖天的學習能力其實並不遜....

簡單的東西, 我們只要教她一次, 她就會記在心內.....

例如簡單的英文句子... 「I am xxxx, You are xxxx」, 她都可以應用起來!

不過"中英夾雜"的情況比小時嚴重多了..... 例如媽咪問: 『What Color Is It?』   她會答: 『黃色!』 emotionemotionemotion

是有點令媽咪頭痛.... 應該如何讓她明白, 中文VS中文, 英文VS英文?!

. 

數學已經完全明白什麼是1, 2, 3..... 再教她"4, 5, 6... 她就掌握不到!

雖然媽咪想她"學快一點".. .... 但靖天的能力又似乎急不來!

中文認字還算理想.... 媽咪已經很久沒有跟她溫習, 但從老師口中得知, 她認讀理想; 只是要求她認"詞語", 或"句子", 就沒可能了!

. 

愛發問的情況越來越嚴重.... 媽咪每次要求她做一樣事情, 她都會問: 『點解?』

『點解要食飯?』

『點解要乖?』

『點解要著呢件衫?』

『點解要依家訓覺?』

我們的EQ, 就因為靖天每天十萬個為什麼變得越來越低........

. 

靖天的性格, 還有媽咪不停"塞'她學東學西, 造就了她不怕生的"優點".....

我們認為... 這是優點!

至少, 她可以勇於向一個陌生人, 或是新相識的成人求救....

靖天: 『叔叔, 唔該你放我落黎丫, 張櫈好高呀!』

靖天: 『姨姨, 唔該你幫我攞住丫!』

. 

基本的禮貌, 如『早晨』, 『BYE-BYE』,『唔該』, 『可唔可以』, 『多謝!』 大致上都做到了! 

. 

脾氣還是需要多多改善! 感謝身邊大小朋友的體諒, 我們假設了, 靖天是因為過份有有主見, 才出現"發脾氣"的情況! 而這情況, 在跟爸B相處時, 最常發生!

因為爸B總愛惹嬲靖天... 明明簡單一事, 又要說得很負面, 很可怕的, 甚至會怪女兒不明白... 但靖天根本就不明白爸B其實只是「說說笑」.....

如果要靖天明白什麼是"說說笑", 什麼是"認真說"..... 似乎都要多下點苦功咯!

.

《社交》

因為語言發展比較理想, 靖天在社交方面, 還算可以接受....

在任何時間, 任何場合, 她都可以結交新朋友!

在公園, 她會痴著一些高班幼稚園, 甚至小學生的哥哥姐姐耍玩... 好運的, 那些哥哥姐姐會很照顧她, 大家有講有笑, 100%完全交流,....結果就可以在公園玩個夠而不用媽咪操心..... 要是運滯一點, 人家不愛跟小妹妹玩, 她都會痴著哥哥姐姐, 但就雞同鴨講.... (例如人家在玩捉迷藏, 靖天根本就不明白)

因為學校有混齡遊玩時間, 靖天跟N2-N4的哥哥姐姐都可以交流得十分好.... 媽咪知道是因為放學時, 靖天會被不同年級的哥哥姐姐叫名字.... 又會拖著靖天... emotion

跟同班的同學相處, 溝通仍然不錯, 但老師說她愛做"管家婆", 同學仔做得好與不好她都要理.... emotion  她管同學仔, 同學仔又會管她.... 有時看見這個場面, 都很好笑!

當然, 她最大的問題是脾氣差!

已經3歲, 但還是比較自我中心......... 明白這是這個年紀有機會發生, 但作為媽咪都很想她快點擺脫... 多一點同理心, 多一點在他人的處境去想.....

媽咪.... 仍在努力中!

.

.

3歲的靖天, 真的變了很多..... 我再能當她是BB看待....

有時甚至可以將她當成大人般看待.....

有點不捨得..... 女兒, 就這樣長大了!!!!

 

.


[7] Re: brfamily2008
brfamily2008 :
Katie mum :靖天媽, 咁如果靖天自己瞓, 其實妳會唔會重辛苦? 因為要行出行入睇佢有無踼被? OR幫佢著睡袋?我同丁丁一張床瞓都成晚驚佢”呼”被, 成晚無覺好瞓…

我唔會理佢架喇.......由佢訓天光!照顧得佢幾多?! 再者, 佢全晚不停踢被, 我唔可以因為咁成世同我地訓架麻!


吓, 咁會唔會冷親嫁, 定係妳幫佢著多件衫?OR 唔開冷氣?


[引用] | 作者 KATIE MUM | 10th Jun 2011 | [舉報垃圾留言]


好多時我都會幫佢著返長袖先訓......
又或者較到個溫度只係"爽"唔會"凍".....
唔開冷氣唔得了, 佢太大汗, 15分鐘已經濕曬, 起身又會因為出過汗不停"R"痕.....

[引用版主回覆] | 作者 brfamily2008 | 10th Jun 2011

[6]

靖天媽, 咁如果靖天自己瞓, 其實妳會唔會重辛苦? 因為要行出行入睇佢有無踼被? OR幫佢著睡袋?
我同丁丁一張床瞓都成晚驚佢”呼”被, 成晚無覺好瞓…


[引用] | 作者 Katie mum | 8th Jun 2011 | [舉報垃圾留言]

Katie mum :
靖天媽, 咁如果靖天自己瞓, 其實妳會唔會重辛苦? 因為要行出行入睇佢有無踼被? OR幫佢著睡袋?我同丁丁一張床瞓都成晚驚佢”呼”被, 成晚無覺好瞓…

我唔會理佢架喇.......
由佢訓天光!
照顧得佢幾多?! 再者, 佢全晚不停踢被, 我唔可以因為咁成世同我地訓架麻!

[引用版主回覆] | 作者 brfamily2008 | 9th Jun 2011

[5]

我都打算買塊樓梯廁所板比阿女,你可以留比巧巧呀, 都唔係完全無用既, 至少可以方便佢地學習用大人廁所先啦!


[引用] | 作者 Clara | 2nd Jun 2011 | [舉報垃圾留言]


但係巧巧用都要2年後, 我估爸B唔會俾呢個野存在咁耐呀!

[引用版主回覆] | 作者 brfamily2008 | 4th Jun 2011

[4]

我倒覺得"有自信"嘅小朋友做什麼都會容易點,努力呀靖天!!


[引用] | 作者 blwong | 1st Jun 2011 | [舉報垃圾留言]


關事架咩????@.@

[引用版主回覆] | 作者 brfamily2008 | 4th Jun 2011

[3]

時間過得好快,真捨不得女兒咁快長大.^0^


[引用] | 作者 venus | 1st Jun 2011 | [舉報垃圾留言]


ME2..........

[引用版主回覆] | 作者 brfamily2008 | 4th Jun 2011

[2]

都好呀!一一雖然自己一間房,但大數都要半夜起一次身,同埋我都仲要陪訓 =_=!


[引用] | 作者 kelly | 1st Jun 2011 | [舉報垃圾留言]


可能未慣呢........

[引用版主回覆] | 作者 brfamily2008 | 4th Jun 2011

[1]

靖天真係長大了很多!!!
好快就到巧巧~~~ =]


[引用] | 作者 pinkyka | 31st May 2011 | [舉報垃圾留言]


嘻, 希望啦!

[引用版主回覆] | 作者 brfamily2008 | 4th Jun 2011