香港新浪網 MySinaBlog
« 上一篇 | 下一篇 »

Picture
看著這張入院登記...... 既無奈, 又憤怒!

2011年3月24日, 晴

這是巧巧滿月的第2天.....

一早相約好, 早上帶巧B到健康院, 作循例的檢查....

媽咪也心急想知道, 巧巧的體重如何.....

.

等了一會, 磅重了! 是3.26KG, 即7.2磅!

回家看看靖天當年的體重, 竟然是一樣!!!

想不到, 兩姊妹出世時的體重一樣, 到滿月時, 體重又是一樣... 也太湊巧吧?! emotion

Picture

然後, 便待候面見醫生.....

一心以為, 這是一個例行檢查, 應該可以很快回家了!

誰不知........ emotionemotionemotion

.

進醫生房後, 她先為巧巧度一下黃疸的指數.....

動作之快, 應該無人能及吧?

額頭, 心口, 連"嘟"了三下....... emotion

媽咪想看看, 也看不到..... emotion

然後, 醫生說: 『仲有黃喎, 我依家寫張紙俾你, 你同佢入醫院驗血啦!』

媽咪頓時呆了 emotion ...... 什麼反應也來不及: 『哦!』

.

定了神, 媽咪便問: 『佢仲有好多黃未退咩?』

醫生: 『因為佢滿左月, 都未退曬黃, 你去屯門醫院驗血啦!』

媽咪再問: 『咁即係佢依家仲有幾多未退呀?』

醫生: 『你去屯門醫院驗左血先啦.... 個讀數已經唔重要架喇!』

Picture

然後, 著我到外邊等候一會....

又被召到護士室, 面見那護士長....

護士長: 『BB仲有黃未退, 因為都已經滿左月, 肝功能應該可以完全運作, 咁佢未退曬黃, 有機會係個肝仔有事, 亦都可能係膽管閉塞, 去醫院CHECK下就會好O的!』

媽咪: 『但係佢食全人奶, 唔係會退得慢少少架咩?』

護士長: 『當然會啦, 不過我地都唔可以排除佢個肝有事, 如果係膽管塞左, 就可大可小, 所以都係入院驗驗血安全O的....』

媽咪: 『咁其實佢係咪仲有好多未退曬呢?』

護士長: 『都唔係多與少問題, 係佢未完全退曬, 我地都要同佢CHECK清楚個肝會唔會有事.....』

媽咪: 『咁我餵奶粉俾佢, 會唔會退得快O的呢?』

護士長: 『唔關事架..... 咁頭先咪同你講左, ....... (下刪萬字解釋)』

.

.

醫生和護士長的解釋, 媽咪是完全不能接受的! emotionemotionemotion

因為2星期前, 明明這裏的姑娘說, 全人奶BB退黃會慢一點, 姑娘還說給她2個月時間, 為什麼2星期後, 滿月了, 卻又反口說沒有退黃而要我們入院?

因為巧巧一直有增磅, 濕片夠, 便便夠, 食-訓-痾 樣樣皆能, 何以認為她是肝有事?

因為媽咪極度抗拒要送女兒到區內的醫院, 那醫院的服務, 專業, 媽咪已經徹底感受下, 也大眼眼戒過!

因為媽咪都認為巧巧只是因為全人奶而導致退黃較慢, 家族成員也沒有出現過什麼大小肝病, 何以女兒滿月之日, 會被懷疑是肝/膽有事?

.

媽咪立即電給爸B, 告之情況........

然後又打給婆婆, 向婆婆報報一番......

致電兩位對我極為重要的人物前, 媽咪已經決定, 帶巧巧到胡醫生處, 給胡醫生檢查一下...... 他是靖天和巧巧出世時的兒科醫生, 是值得信任啦! emotion

要是胡醫生都認為巧巧情況不理想需要抽血, 那我們便立即送她都法國醫院.....

.

下午, 爸B請了假回來接我們出去找胡醫生.....

胡醫生聽過我們早上在健康院的事情, 仔細為巧巧檢查.....

早上在健康院的讀數, 是109/117;

下午在胡醫生的讀數, 是83/87;

也仔細詢問了巧巧這個月的生活情況.....

結論是: 『是沒有完全退黃的, 但因為指數都在下降, 情況並不擔心; 亦看不到有什麼明顯徵狀顯示巧巧的肝/膽有閉塞或其他問題, 可以再觀察多1-2星期, 再決定要否抽血檢驗!』

.

媽咪放心了........!!! emotion

也認同胡醫生的診斷, 先再觀察多1-2星期, 再決定巧巧要否到醫院抽血檢驗;

經過一個早上的資料搜集, 媽咪也蠻肯定的認為, 巧巧的膽管沒有閉塞, 要是閉塞了, 巧巧絕對不會是這個樣子的!

胡醫生也說, 膽管閉塞是很罕有的疾病, 並不如健康院說般 (像個個BB都會出事)

.

同日下午, 媽咪帶靖天到馮醫生看濕疹, 順便問了幾句關於黃疸的事情...

得到的意見, 跟胡醫生大致一樣...

膽管閉塞的機會並不大, 而且食得訓得痾得, 常理推測不會有問題!

當馮醫生知道我早上在健康院的情況, 他大膽的作了一個結論: 『係咪健康院唔想揹鑊, 咁咪叫你入醫院囉! 保障o的麻!』

想不到, 他說中了媽咪的心底話!

.

一星期後, 因為又約了期, 媽咪帶巧巧到健康院見姑娘...

本來沒有CHECK黃的, 但媽咪要求, 護士也好心幫忙量度一下....

黃疸指數是86/83, 以同一部機來比較, 巧巧是在退黃中的!

.

面見姑娘時, 她問起巧巧抽血的報告....

媽咪: 『我無去喎!』

姑娘十分emotion意外: 『點解無去呀?』

媽咪: 『我覺得我個女無事喎!』

姑娘也不知如何反應..... 最後還是建議我跟醫生面見一下....

媽咪: 『我唔想見你地呢度O的醫生喎!』

姑娘面有難色: 『ERR.......』

媽咪: 『你地呢度o的醫生真係好差, 服務同態度都好差, 我覺得唔需要見囉!』emotionemotionemotion

見姑娘這麼為難, 媽咪唯有打圓場: 『如果你地仍然係覺得我個女有事, 咁我再同佢去私家檢查.....』

然後, 姑娘離開一會..... 原來是去找醫生.......

回來時, 她說: 『我都問過醫生, 因為佢滿左月都未退黃, 咁其實驗下血就會好O的囉.. 因為你去私家到CHECK, 佢都係CHECK到O的表面野, 亦都唔會深入幫你睇....』

求其敷衍幾句, 便離去了! emotion

.

.

3年前, 知道這家健康院較同區另一家好, 媽咪不理路途較遠, 都安排靖天在這家登記檢查; 當年, 服務是真的好.... 真的貼心, 真的很有支持!

3年後, 都沒有細想, 既然靖天在這家健康院登記, 巧巧也順理成章在這裡登記....

遺憾.....

第1次見醫生, 已經計錯數, 說巧巧長不好, 叫我補奶粉, 及後發現她計錯數!

第2次見醫生, 我只想多問幾句巧巧的黃疸問題, 她就是不停著我到醫院驗血!

連姑娘, 都沒有理會過巧巧的體重....... 一切都似乎被黃疸蓋過!

要是我是一個文盲, 或白痴, 那我應該就不會知道女兒長得好不好...

因為姑娘都沒有跟我說過!

Picture

.

婆婆和爸B都叫我體諒, 那是政府部門, 又不想"揹鑊".... 將BB送到醫院, 她們便可以心安理得, 也做了她們要做的事....

我是完全明白政府的九流服務....

也許這是她們的細心和緊慎, 但奇怪在於....

2星期, 姑娘說退黃理想, 有2個月時間給我女兒;

2星期, 醫生卻說沒有退曬黃而要驗血;

那叫我們如何適從?! emotionemotionemotion

而且, 我們並不知道, 滿月後不退黃是要抽血化驗的...

要是一早知道, 也許我會妥協, 先補幾餐奶粉....

又或是給巧巧更多彩虹牌讓她多吃一點, 快退一點....

我們可以做的, 其實是可以有很多!!!!

.

這次....

心情很矛盾... emotion

明明花100個大洋就可以免擔心, 免煩惱..... 但我偏不做!

卻花了450個大洋, 跑到老遠找胡醫生, 還要在往後的一個星期天天擔心......

怎樣算, 都不划算......?! emotionemotionemotion

只是...

明明認為女兒沒有問題, 幹嗎要她捱一針, 甚至數針?

明明認為女兒有的是母乳性黃疸, 幹嗎要將她懷疑成膽管閉塞?

十萬個不明白....... emotion

.

對於香港的"專業"醫護, 媽咪還是認為, 多找幾個意見無妨....

尤其是政府的.... 更加需要"集思廣益".....

emotion 雖然只是小事一則,.... 但我實在不想在做一個"聽話"的媽媽...

好歹, 我已經是第2任媽媽, 我也有我的想法和意見啊!

.

最後, 我感謝這個麻煩的小巧巧... emotionemotionemotion

讓我在一個早上, 對「黃疸」的了解增加了百分之90!!! emotionemotionemotion

連胡醫生也好奇我為什麼會知這麼多......

只是這些學問, 真的不懂也罷.....

.

巧巧呀巧巧!!!

不要再嚇我們了........

Picture


[11]

巧巧媽:路過貴blog,看到你的文章,多嘴說句公道話. 得罪的話, 請原諒.

bb滿月後不退黃是要抽血化驗的. 因為抽血可以排除因肝臟功能不正常引起的黃疽病. 雖然先天膽管閉塞不常見, 但是是最嚴重而且要盡快做手術治療的.

醫生要排除病理性黃疽才可以診斷餵母乳bb滿月不退黃是屬於母乳性黃疸. 兩者在表面看可以沒有分別. 先天膽管閉塞個案不少是體重增長理想的人奶BB.

所以醫生要你BB驗血檢查是沒有錯的.

你聽其他E生意見決定不讓BB抽血是可以的.但是你文中提到:

我是完全明白政府的九流服務....

明明認為女兒沒有問題, 幹嗎要她捱一針, 甚至數針?bb滿月後不退黃不是問題嗎?

你地呢度o的醫生真係好差, 服務同態度都好差, 我覺得唔需要見囉

希望你是一時之氣而說出以上的話. 沒有人想揹鑊, 你都不想啦. 健康院的醫生大多都很好. 不是你們所說的健康院唔想揹鑊, 咁咪叫你入醫院囉!

 


[引用] | 作者 EE | 20th Apr 2011 | [舉報垃圾留言]


OK架喇, 謝謝分享!

[引用版主回覆] | 作者 brfamily2008 | 4th May 2011

[10]

好彩媽媽醒目冇盲目聽佢哋講啫,咁細個無端端拮一針,真係肉赤死!
應該都係怕揹鑊啦...唉,政府係咁啦,要按程序辦事嘛...加上經驗不夠,好的都去了私家!
不過咁,都唔係全部都咁差嘅,我都遇過一啲好嘅...只係這真是可遇不可求=.=

瀅瀅
[引用] | 作者 瀅瀅 | 14th Apr 2011 | [舉報垃圾留言]


唔止一針架... CHECK開就要繼續CHECK...

[引用版主回覆] | 作者 brfamily2008 | 18th Apr 2011

[9]

我細女滿月去健康院度, 個醫生又係話黃未退, 寫紙要去醫院度抽血, 我地一聽真係比佢嚇到六神冇主, 仲立刻同佢入院. 不過入到去, d 姑娘見我個女食得,瞓得,疴得, 仲好有中氣咁喊到全層到聽到. 個姑娘都叫我地"攞假"回家, 不用過夜.結果當然冇事.
但當初如果我有你咁冷靜, 就唔駛細女捱數針 la..


[引用] | 作者 車仁 | 13th Apr 2011 | [舉報垃圾留言]


其實我都好亂架....
不過我對政府唔多信心咋;

[引用版主回覆] | 作者 brfamily2008 | 18th Apr 2011

[8]

巧巧媽...
我跟你有差不多的經歷,覺得健康院d醫生真係十分麻麻地
2年前我阿仔出世后去健康院check黃疸指數,第1次護士check正常,之后再去見醫生, 醫生再check話我阿仔黃疸讀數高, 叫我即刻去入院抽血, 驗血結果好正常囉! 我個仔白白捱左1針....
之后再返健康院, 我都有跟護士講"我唔要見返上次果個醫生" 個護士都好無奈地話"咁我安排你見第2個啦"


[引用] | 作者 Jca | 12th Apr 2011 | [舉報垃圾留言]


真係好似........ >.

[引用版主回覆] | 作者 brfamily2008 | 18th Apr 2011

[7]

我個女都有同樣情況,不過佢既黃指數比巧巧高,未滿月時亦曾因指數超標照過一日燈,出院後再去健康院,指數亦由21x趺至15x,再下一次都趺到12x,我一心以為無事啦,點知滿月再去健康院,黃未退晒亦被安排入院驗血,我照做了,其實我一直對屯院服務存疑,所以也沒有在此生bb,無諗過因為黃而要去那裡驗血,不過今次我結果都帶左阿女去驗,因為一聽到滿月後還未退就有可能有什麼問題,聽到後我真係什擔心,一心以為食人奶重磅理想就無事,仲以為即使還有點黃也有多一兩個月時間慢慢退,點知.....實在太突然了。
今次驗血遇到的醫生給我感覺幾好,樂意仔細回答我的問題,即使是黃以外的問題亦樂意仔細回答,驗血亦好快有結果,當日下午至翌日就有結果。可能佢地都係依情序做,所以一知道未退黃都會安排驗血,阿女今次驗左,係無問題,但未退晒黃,同日即時會約埋一星期後再驗,當日阿女黃指數係17x,醫生話應該都要去多一兩次。一日未退黃,我都好擔心,見佢面的皮膚都係黃黃的,真係希望快d退晒。


[引用] | 作者 yuki | 12th Apr 2011 | [舉報垃圾留言]


但係巧巧全程都係好低數....
所以...... 唉;

[引用版主回覆] | 作者 brfamily2008 | 18th Apr 2011

[6]

佢地唔係大鑊野/特別野都唔會認真處理...


[引用] | 作者 P | 12th Apr 2011 | [舉報垃圾留言]


你又岩......

[引用版主回覆] | 作者 brfamily2008 | 18th Apr 2011

[5]

比著我可能已經六神無主,上次啟仁肺炎,我們都領教過政府醫生的手勢


[引用] | 作者 啟仁啟言媽媽 | 12th Apr 2011 | [舉報垃圾留言]

啟仁啟言媽媽 :
比著我可能已經六神無主,上次啟仁肺炎,我們都領教過政府醫生的手勢

>.< 我諗起啟仁就驚喇

[引用版主回覆] | 作者 brfamily2008 | 18th Apr 2011

[4]

巧巧依家係咪巳經好好多了? 滿咗月可以曰曰帶佢落公園曬下,會好好多的。

未睇呢篇文之前,我剛好在盤算緊幫唔幫梓朗買份醫療保險。經過上年梓朗入院的經驗,再加上呢期政府醫院的人手那麼緊,可以的話都寧可去私家。


[引用] | 作者 Winnie | 12th Apr 2011 | [舉報垃圾留言]


好多了, 我都無再理佢....@.@
其實有保險去私家更好

[引用版主回覆] | 作者 brfamily2008 | 18th Apr 2011

[3] 灑陽光

可以俾巧巧係露台灑下陽光..會令到d 黃無咁多....


[引用] | 作者 YUYU | 12th Apr 2011 | [舉報垃圾留言]


我都有架喇;

[引用版主回覆] | 作者 brfamily2008 | 18th Apr 2011

[2]

健康院只看健康的人嘛;
有病既咪要去醫院囉,佢地覺得無問題嫁...
好彩媽媽醒啫~~
巧巧加油呀~~


[引用] | 作者 smartcar | 12th Apr 2011 | [舉報垃圾留言]


你呢句超爆笑!
我會記住.... 健康院只看健康的人

[引用版主回覆] | 作者 brfamily2008 | 18th Apr 2011

Next