香港新浪網 MySinaBlog
« 上一篇 | 下一篇 »

Picture
濕疹最痛苦的, 莫過於皮膚很癢, 十分癢, 非常癢.........

由2月初天氣一天比一天冷開始, 靖天的濕疹越見反覆...

明明已經塗過藥膏, 不停的塗潤膚露, 情況就是不好, 而且一天比一天差.......

除了平常四肢的"摺位", 身上包括肚, 背, 大腿, 小腿, 手臂, 頸, 面, 眼, 都出現濕疹似的紅點, 一撻撻的.........

情況, 就似下圖的...... 幻想當整個寶寶身體都佈滿這個紅疹, 情況, 是多嚇人! emotion



Picture
參考圖片(2): 跟靖天身上的濕疹, 99%相像, 而且涉及皮膚的80%

年初二晚上, 跟靖天沖過涼後, 發現身上的紅疹都變得很嚴重, 而且很"鞋手", 看靖天很癢的, 就決定帶她看醫生! emotion

年初三早上, 看開的那個兒科醫生沒有開門, 那只好看其他的"假日醫生", 目的其實只是希望醫生開點類固醇和抗敏藥給靖天, 好讓她舒緩一下...

一如所料, 醫生開了1%的類固醇, 和一枝"例牌"抗敏藥給靖天........

吃過藥水, 塗過藥膏, 心肝似減了一點癢, 但疹還是又紅又大的放在靖天身上... emotion

.

最詭異的事, 穿上衣服, 靖天都不會"R"自己身體, 但只要一脫下衣服, 她就會起勢的"R"..... 就是要"R"到自己紅紅的, 流血為止......

這陣子, 跟她沖涼, 還得要將她的雙手捉著, 慎防她又不停的"R"損自己....

.

到晚上11時 (已經留意了好幾晚, 準時11點!!!), 靖天就會不期然的"R"起來... 一直至凌晨時分......

有一天晚上, 媽咪起來飲水, 嚇然發現趴著身子, 熟睡著, 但就不停的用手"R"著自己的背.... 第2天起來, 背部都給"R"到流血了!

然後, 媽咪就知道, 為何每天早上, 靖天的身體都是紅紅的, 還帶著絲絲血痕....

睡著也不停的"R", 真的痕的這樣厲害?!.... 睡夢中也不停的"R"著?!

.

放假後, 情況都沒有太大好轉, 適逢靖天患了感冒, 就到馮醫生處, 一口氣的說了靖天的情況, 拿了另一種藥膏, 情況好得快一點.......

.

Picture
相片攝自2010年2月28日 (發病後的2.5星期)

只是靖天一直的"R", 尤其是晚上.....

爸B媽咪也沒有可能每天都不睡, 看著女兒有沒有"R".....

結果..... 除了身體被衣服遮著的地方, 連面孔都變得花花的.......

已經不是標緻的女孩, 還得在面上多加幾道疤, 難道靖天非得要將自己變成"爛妹"才心息?!.........

.

後記:

2010年3月2日 (星期二), 婆婆再帶靖天到馮醫生處, 說的話一樣, 只是婆婆聽進耳朵, 又比媽咪說的更動聽...... emotion 不停吃抗敏藥, 不停吃類固醇.... 沒完沒了的, 媽咪開始受不來....... emotionemotionemotion

.


[28]

你好,
見到你個blog寫濕疹,入嚟睇下,唔好意思!
睇到你囡囡d相,好心痛~
我仔仔都係有濕疹架,而家7個月大,佢1個月大開始起,開頭都係搽健康院醫生開既藥膏先好唔搽就發,搽到佢4個月大,我就睇咗個西醫,佢都係開藥膏比仔仔搽同埋要我戒口(因為餵人奶),2日後仔仔好番咗8成.
我想講不如你試下幫囡囡戒口,睇下有冇幫助,雖然仔仔都未好得晒,最起碼唔會咁嚴重.
如要list,請回覆!


[引用] | 作者 violet媽 | 14th Apr 2010 | [舉報垃圾留言]


戒口的方面...... 已經有了, ....... @.@

[引用版主回覆] | 作者 brfamily2008 | 14th Apr 2010

[27] 濕疹

不要再用類固醇,它有很大的負作用,會令皮膚抗大,還有很多的負作用。我女兒由bb的時候都有濕疹,都幾嚴重。但我堅持不用類固醇,多留意她對什麼會敏感,就不吃。小時候,和她外出吃飯,只給她白飯,因為我發現她對有味精和色素的食物會敏感。她今年十一歲,看上再也不像有濕疹。但要經歷一段難看的日子。一定要找出致敏源。


[引用] | 作者 karen媽咪 | 24th Mar 2010 | [舉報垃圾留言]


沒有辦法, 還是要用......
反而我擔心那"抗敏藥"多一點呢......
對味精敏感好慘啊!!! (點算?)

[引用版主回覆] | 作者 brfamily2008 | 24th Mar 2010

[26] Re: brfamily2008
brfamily2008 :

唔該曬你呀!!! 我會記低佢架!!!!


客氣, 自己也是當媽媽的, 絶對明白妳的感受, bb辛苦, 寧靜自己代受~~~~

希望周醫師可以幫到靖天~~~


[引用] | 作者 Isaac 媽 | 9th Mar 2010 | [舉報垃圾留言]


對啊, 佢地舒服開心, 我都都有著數麻, xxdxdxd

[引用版主回覆] | 作者 brfamily2008 | 9th Mar 2010

[25]

益生菌唔係等同飲益力多就可以, 千其唔好比咁多益力多靖天飲啦, 好"野"痰架.
阿仔飲緊個隻益生菌係一粒粒膠囊裝, 每晚瞓前開奶時扭開粒膠囊, 將D益生菌(粉狀, 冇味, 冇色)加入奶內比佢一齊飲, 而未用嘅益生菌要存放於雪櫃. 你都係check check係邊可以買到, 買比靖天試試, 反正都可以對腸胃有幫助, 一試無妨.


[引用] | 作者 sum | 9th Mar 2010 | [舉報垃圾留言]


嘻, 我知道喇!!!!
我寫低左喇, 遲o的會做research, 多謝你唷!

[引用版主回覆] | 作者 brfamily2008 | 9th Mar 2010

[24] Re: brfamily2008
brfamily2008 :

唉, 唔好再講......>.


Rainbow,

I can understand your painful, cause I have the same problem as little Veronica. Don't give up! Add oil! She needs your support.


[引用] | 作者 Rosa | 7th Mar 2010 | [舉報垃圾留言]


你也有這個問題??????????
咁點解決呀?

[引用版主回覆] | 作者 brfamily2008 | 7th Mar 2010

[23]

Dear Judy:

好, 等我過幾日好返, 俾靖天試下先! 麻煩曬你呀!

brfamily2008
[引用] | 作者 brfamily2008 | 7th Mar 2010 | [舉報垃圾留言]

[22] Re: brfamily2008
brfamily2008 :

片糖溝水我都想試呀, 但.....怕唔怕太甜?!


個份量係幾多我都唔清楚...
不過係最好就煲好先沖涼...
一沖完涼就印係個身到...
咁就唔怕d水會太熱...
同埋唔好太甜...唔係會立痴痴唔舒服架...


[引用] | 作者 Judy | 6th Mar 2010 | [舉報垃圾留言]

[21]

睇到都好心痛呢! 佢現在有無好d?

希望大家的建議可以幚到靖天, 等佢可以脫離呢种折磨.


[引用] | 作者 winnie | 6th Mar 2010 | [舉報垃圾留言]


謝謝關心了! 現在好了一點, 但天氣又急變, 恐怕下周又得要帶她看e生咯.........

[引用版主回覆] | 作者 brfamily2008 | 7th Mar 2010

[20]

我堂細佬都有呢個問題....
我聽屋企人講...就係介口..
唔好食d重防腐劑ge食品....特別係紙包飲品同汽水..

同埋你可以上網搵下資料...
因為我聽到堂細佬個中醫提議佢用片糖溝水沖身...

希望對靖天有幫助喇...因為濕疹真係比較難斷尾..


[引用] | 作者 Judy | 6th Mar 2010 | [舉報垃圾留言]


片糖溝水我都想試呀, 但.....怕唔怕太甜?!

[引用版主回覆] | 作者 brfamily2008 | 6th Mar 2010

[19]

見到靖天r到咁傷,我就諗起我個仔兩歲頭時因轉居住地區而嚴重濕疹,那時連頭皮都r損,見到就心痛。
不過好彩佢搬返新畀又好左,不過都會間唔中r,我覺得r好似已經成為佢既習慣或小動作。真係唔想佢痕,我都試過幾種方法,覺得有效既有: 1) 每晚QV浸浴(5-10MINS,皮膚變得滑滑的) ; 2) 益生菌 (食左小小時間,之後遺忘左,樽野仲在雪櫃) 3) 睇中醫 (上次介紹你那個冼醫生,佢D藥膏好得呀,我自己搽左好左好多,起碼唔痕,傷痕都好了好多),我老公家姐做藥劑的,佢都比左好多潤膚膏我,嚴重時仲叫我用豬油膏幫佢沖涼,但我覺得呢D應該係防範方法,但對發了出來的濕疹感覺幫助不大,搽左都係痕,類固醇一定唔痕啦,不過你應該好了解負面影響吧。我見都有好多人比左意見你,你要努力消化下,快D行動搵良方,祝靖天早日脫離濕疹既纏擾。


[引用] | 作者 yuki | 6th Mar 2010 | [舉報垃圾留言]


咁就C火喇, 靖天依家已經住到大西北, 難道要搬大陸/.........?!
豬油膏沖涼有試, 唔得! qv浸浴試過, 仲痕左; 益生菌同你個e生未試, 抄低曬, 消化左再行動!!!

[引用版主回覆] | 作者 brfamily2008 | 6th Mar 2010

Next