靖天: 『又老一個月咯.....』
[ ]
10月05日 (星期一), 早上
『好刺激呀!』
起床後.... 靖天如常吃奶, 然後, 話去洗手.......
整到一身濕曬, 竟然同爸B講: 『好刺激呀!!~~~』
在房的媽咪聽到也有點驚訝... 還沒有走到廁所, 爸B已經問了.... 『刺激? 您知咩叫刺激咩?』
當然..... 心肝是沒有回答的, 就不重複了幾次.... 『刺激呀.... 』『刺激呀.... 』
靖天的詞彙, 多增多了一點點了.... 還開始努力學習如何運用呢!
.
10月07日 (星期三), 晚上
『靖天返工了?!』
從婆婆處把靖天接回家, 入到電梯, 媽咪就提靖天....
媽咪:『您記得聽日要做咩麻?! .....』
靖天:『呆左望住我....』
媽咪:『返.... 咩呀!?』
靖天:『(想了兩秒)... 返... 工!!!!!!』
爸B媽咪勁笑..... 返什麼工呀, 女~~~~~~
媽咪: 『唔係呀.... 您要返.... 咩呀?! 』
靖天: 『(想到呆左)..... 返工!!!』
結果, 還是由媽咪開估.... 其實心肝係要返學啊!!!!
. 10月08日 (星期四), 中午
『與媽咪KISS!!』
從BC放學回到婆婆處, 入到電梯, 心肝看了我兩眼, 然後就緊緊的將我攬實....
還在媽咪的臉上親了一 下....
甜到媽咪差點兒哭出來... 這是靖天第一次主動的攬著媽咪, 還親親媽咪....
咁甜, 當然想再來..... 『可唔可以黎多次呀?!』
靖天又緊緊的將媽咪攬實, 然後說了一句: 『KISS丫....』
當然好啊! 然後, 靖天就在媽咪的嘴上親了幾下........
KISS, 和錫錫的分別, 就是在於, 一個在嘴上, 一個在臉上..... 對著女兒, 現在還不趕快甜蜜一點, 還待到長大後?!
10月08日 (星期四), 晚上
『準時餵魚』
養魚兩個月, 靖天對小魚的感情越來越深 (爸B媽咪也不例外啊!)....
現在, 看到小魚, 就會擒上窗台, 取起魚糧, 然後大叫: 『餵魚呀!!』
待媽咪分給靖天一小杯魚糧, 她就會倒下魚缸, 然後說: 『食飯喇!!!』
不過, 心肝還沒有學懂每天一次的道理....
她心情好, 就一晚餵幾遍....
太忙碌呢.... 就連小魚都忘記.....
靖天.... 飲食要定時, 才會快高長大啊!!!
. 
10月10日 (星期六), 黃昏
『知道明白媽咪辛苦了?!』
是日要到九龍出席朋友的婚宴, 在九龍站泊車後, 就抱著靖天坐的士...
未知是否太累, 還是心肝重了... 總是覺得路很長, 很遠, 沒完沒了的......
終於忍不住跟靖天說: 『靖天, 媽咪好攰, 好辛苦... 您估您可唔可以自己行一陣?!』
原則上, 心肝係極少自願落地行, 除非係公園 / 遊樂場 / 佢想玩既地方... 
以為自己同空氣講野啦, 誰不知, 心肝竟然: 『好!...』 就自己落地....
媽咪當然感動.... 還大讚靖天: 『多謝您呀, 靖天您好乖啊, 俾媽咪休息下,... 我隻手就黎斷喇!』
靖天看看媽咪, 然後微微的笑著.......
媽咪就知道, 剛才的一番話, 媽咪的請求, 心肝是聽得明白的..... 
又以為走兩步又要抱呢.... (靖天強項!)
未知是否媽咪不停稱讚, 結果.... 靖天一直拖著媽咪走呀走, 走呀走... 直到下了電梯, 還是走著... 然後給媽咪抱了兩秒, 又自己落地行.... 直到上的士!!!! 
10月10日 (星期六), 晚上
『靖天說句子』
臨睡前的靖天, 總會多多聲氣.... 這天晚上, 未知她想起什麼....
靖天: 『燈籠呀!!』
媽咪: 『咩燈籠呀?!』
靖天: 『公公. 買. 燈籠呀...』
中秋前夕, 公公帶了靖天到家附近的商場, 買了一個燈籠.....
中秋節已經過了個多星期, 心肝還是一直念念不忘.... "公公買燈籠".... (只是, 燈籠玩了一天就放左去冷宮....)
一個星期前, 靖天還是說『燈籠, 公公, 買呀』... 句子文法基本上是全錯的...
一個星期後, 靖天已經可以重組句子.... 只是說話的流暢度仍有待改進....
先假設心肝智商沒有問題, 也會一直成長....
也許....一直渴望心肝能與我們對答如流..... 我想, 不用等到4-5歲, 靖天也可能會做到了~!
10月15日 (星期四), 晴
『有得玩, 什麼陌生環境也不怕』
媽咪: 『我地去學校, 一間全新學校參觀, 好無呀?』
靖天: 『好呀!』
媽咪: 『咁你要乖, 老師問問題, 你要答喎, 好無先?』
靖天: 『好丫!』
媽咪: 『 (面試完要離開) 我地要走喇, 校長要工作咯, 同遊樂場講BYEBYE好無呀?』
靖天: 『唔好呀~~~』
好與唔好, 靖天已經掌握得十分好!!! 自己的想法, 如何表達, 似乎越來越清晰......
.10月18日 (星期日), 晴
『靖天的性教育』
發現"豆豆"事件, 令爸B媽咪哭笑不得!
看: 靖天的性教育篇
.10月20日 (星期二), 晴
『我唔想呀!』
在巴士上, 媽咪希望靖天能休息一下...
媽咪: 『訓一陣啦, 我抱您訓一陣好無呀?』
靖天: 『唔~~~』
媽咪: 『黎啦, 抱住您好舒服架喎!』
靖天: 『我唔想呀!』
一句"唔想"..... 就真的"唔想", 任由媽咪如何氹, 還是"唔想"....
心肝, 長大了, 會表達自己的情感, 還得用言語表達.....
除了"唔好", "唔想"..... 還有幾多個"唔"?!.......
.10月24日 (星期六), 下午
靖天和媽咪結婚了!
在海洋公園, 靖天看到欄干上的紗布, 聯想到結婚的"白紗"....
靖天: 『結婚呀...』
媽咪: 『係紗布黎咋, 用黎佈置架, 傻妹...』
靖天: 『結婚呀... 媽咪結婚同靖天, 係咪呀?』
靖天這陣子的說話總是帶點句子感覺, 只是, 爸B媽咪要幫她重組一下先能明白...
媽咪: 『靖天同媽咪結婚?! 好呀.... 咁等你大個, 我地結婚丫!』
靖天: 『好! 攬住.....』
靖天前陣子日看夜看爸B媽咪的結婚片段, 對"結婚"二字印象深刻, 在婆婆家看電視, 也有結婚的廣告... 然後, 靖天說... 要"嫁"俾媽咪......
雖然沒有聽到這一句, 但靖天就是想跟媽咪結婚.......
心肝, 您唔好呃人先好啊!
10月24日 (星期六), 下午
『我!!!』
靖天這陣子除了學懂"唔好", "唔想", "唔要".... 還開始明白什麼叫"我".....
媽咪: 『我幫你攞住塊布布好無呀? 』
靖天: 『唔好! 我架!!!』
如果還是想拿走靖天手上的東西.....
靖天: 『唔好搞! 我架!!!』
在她手的, 就是她的, "我架".... 一詞成為近期熱門說話之一!
10月24日 (星期日), 晚上
『疑似一樣/唔一樣學說』
10月初的婚禮, 新人的兄弟姊妹都有一隻小熊做"記認"... 靖天有幸, 得了3隻!
媽咪只係講左幾次: 『小熊喎.... 咦?! 一樣既~~~ 』
靖天.... 就記在心裏, 而且半個晚上, 重複指著小熊說: 『一樣架, 係咪呀?』十多遍....
答到爸B媽咪口水乾....
第2天, 她又看見2隻小熊, 然後.... 剛好婆婆來接靖天, 又說: 『bEAR bEAR, 一樣架!』
靖天"一樣"的學說, 似懂非懂....
直至這天晚上...
因為心肝將圖形的拼圖弄亂了, 媽咪就請靖天將圖形放好.... 再玩其他遊戲...
靖天先放一個粉紅色的八角形, 再放一個粉紅色的凌形...
放對了, 卻又將兩個圖形拿起來, 看了看, 然後竟然說: 『唔一樣架!』
過去個多星期, 靖天的"一樣/ 唔一樣"學說, 中了90%, 媽咪一直認為, 心肝是撞彩的! 
直至這天晚上, 靖天又多給了我們一點信心....
是真的明白什麼叫"一樣 / 唔一樣"? 還是將戲做得太真.... 又巧合地撞對了"唔一樣"?!
很想問一句: 靖天, 您從哪裏學懂了"一樣/唔一樣"?!
.
10月29日 (星期五), 清晨
『發開口夢』
媽咪早上6點半已經起床, 梳洗後, 到房間換衫, 卻聽到"有聲"...
靖天: 『唉....好攰呀....』
心想: 死火喇, 咁早起身?! 媽咪早起床只因為想"私人時間"一番啊!
再望望靖天.... 還是睡著的?!
靖天申申懶腰, 翻翻身, 不動的.... 又熟睡了~~~
靖天"發開口夢"已經不是第一次.... 是寶寶們的特性?! 抑或是靖天的特色?!
只怕....到長大還是這個樣子, 守不住秘密耶~~~ 
.
10月31日 (星期六), 晚上
『靖天學剪紙』
靖天的小肌肉又有小進步
看: 『靖天學剪紙』
.
11月01日 (星期日), 早上
『爸B呢?! 掛住你呀!』
靖天又一感人力作~~~
.
11月02日 (星期一), 下午
『幼稚園面試記』
一連兩個面試.....
結果, 兩面試都順利通過....
看: 『面試記』
.
